Ijâttes iijâ muneliipui vyebdim lii álgám!

Ijâttes ijjâ -algâaalmugij muusikfestivaal liipui vyebdim lii álgám onne. Muneliipuid puáhtá uástiđ čujottâsâst lippu.fi sehe Lippupiste toimâsoojijn.

Rävisulmui oles oholoopâ muneliipu hadde lii 69,60 já párnái (7-15i) oholoopâ munelippu lii 22,60€.
Muuneeld ostum rävisulmui peiviliipu hadde lii 38,59€ já párnái munepeivilippu 11,59€.
Muneliipui hoodijn lii mieldi lippu.fi palvâlemmáksu 1,60-4,60€. Haadan lasettuvvoo lippu.fi tiilámmáksu, 1,50€, sehe máhđulâš toimâttâsmáksu toimâttemvyevi mield.

Jis uástá liipuid siisâ puáđidijn, te hadeh láá rävisulmui oles oholoopâ lippu 80€ já párnái 25€ sehe rävisulmui peivilippu 45€ já párnái 15€.
Vuálá 7-ihásiih peesih siisâ nuuvtá.
Mij avžuuttep, ete ulmuuh uástih liipuid muuneeld já jis uástih liipuid siisâ puáđidijn, te kevttih koortâ máksuniävvun. Meid kietâruđâiguin puáhtá mäksiđ siisâ puáđidijn.

Ijâttes ijjâ uárnejuvvoo Anarist 16.–17.8.2024. Artisteh láá Mari Boine, Ailu x Amoc & Trio Boogiemen, Tundra Electro, Kevin Boine, DJ Ailo & DJ iDJa, Lávre, Ánnámáret, Ravggon, Jalvvi Niillas já Ed Littlefield sehe ärbivuáválâš sämimuusik -konsertist Nils-Heikki Paltto, Lars Heaika Blind já Anna Lumikivi.
Ohjelmist láá meid kietâtyejimarkkâneh, njuárustemkišto, Talent stage, Ijâttes ijjâ 20 ihheed -seminaar já lasseen puoh Ijâttes ijjâ -festivaalkietâpaddijn piäsá nuuvtá siisâ Säämimuseo já Luándukuávdáš Siida čáitálduvváid festivaaloholoopâ (vá-vu) ääigi.
Tuorâstuv 15.8.2024 láá Wilderness Hotel Juutuast nuuvtá Ijâttes ijjâ -ovdâtuáluh (K-18), mast láávdást Yungmiqu.

Lasetiäđuh:
Išepyevtitteijee
Aleksi Ahlakorpi
+358 44 901 4950
aleksi.ahlakorpi(át)samediggi.fi