Ijâttes ijjâ -konsertvuolgâttâs puáhtá keččâđ nuuvtá

Ijâttes ijjâ -algâaalmugij muusikfestivaal konsert vuolgâttuvvoo njuolgâ 15.8.2020 tme 19.00 rääjist Anarist, säämi kulttuurkuávdáš Sajosist. Konsertvuolgâttâs čuávvum lii nuuvtá, mij ep vääldi ulmuid Sajosân. Vuolgâttâs puáhtá čuávvuđ čujottâsâst www.sajos.fi/live.

Ijâttes ijjâ Suomâ Kietâruottâs stuorrâ tuoddârij peeleest

Kietâruottâs kuávlun čyeccih tääl maaŋgah kuáivuttâhsyergi haavah. Kuáivuttâhtoimâ vaiguttičij merhâšitteht Kietâruottâs herkis luándun já elleid. Kuávlu eellimvyeimi vuáđđud luándu kilelis kiävtun, tego luánduiäláttâssáid, luándumaađhâšmân já virkosmittemkiävtun. Kuáivuttâhtoimâ vaiguttičij vaahâglávt putes čassijd, elleid já enâmân. Ijâttes ijjâ -festivaal haalijd čäittiđ torjuus Kietâruottâs kuávlu tovláárájásáid kevtteid já ettâđ oovtâst ij kuáivuttâhtooimân Sämienâmist. Teemakonsertist lávdástává jyeigeeh Iŋgá-Máret Gaup-Juuso já Juha Tornensis. Toos lasseen kuávlu ärbivuáválij iäláttâsâi hárjutteijeeh šaddeh kulluđ.

Ailu Valle já Gájanas-juávkku fäälih moodeern sämimuusik

Ailu Valle lii ráp-artist, kote láávdást tavesämikielân, suomâkielân já eŋgâlâskielân. Suu stiijlâst ovtâstuveh uáivil almotteijee saahâ, teknisâšvuotâ já tobdoh. Valle almostitij suu kuálmád studioalbum “Viidon sieiddit” ađai “Vijđánâm sieidih” 27.7.2019. Ijâttes ijjâ -konsertist Ailu Valle mieldi láá DJ Uyarakq sehe tánssájeijeeh Janita Rantanen já Niina Rajaniemi. 
Gájanas lii sämikielâlâš etno-proge muusikjuávkku Suomâ tavemuu uásist, Ucjuv-Aanaar kooskâst. Juávhu muusik täävist sämmilii ärbivyevi, mii kuáhtáá tááláá ääigi ivnáás oohtân suddâlummeen.

Festivaal ij uárnejuu koronaviruspandemia keežild

Jo vyesimáánust almottui, ete eidusâš festivaal ij uárnejuu tallaa COVID-19 -tile keežild. Uárnejeijeeh onnii, ete aalmugijkoskâsii aalmugtábáhtus ornim torvolávt porgemáánu pelimuddoost ličij máhđuttem. Tááláá tile uáinust miärádâs lii lamaš olmâ.

Ijâttes ijjâ -konsert njuolgâ vuolgâttâssân lávurduv 15.8. tme 19.00 rääjist čujottâsâst www.sajos.fi/live. Konsert uárnejeh oovtâstpargoost Ijâttes ijjâ -festivaal, Anára Sámisearvi ry, Suomâ Sämitige säämi muusikkuávdáš, säämi kulttuurkuávdáš Sajos já Säämi máttááttâskuávdáá medialinjâš.

Lasetiäđuh:
Pyevtitteijee Oula Guttorm
+358 40 667 4545
oula.guttorm(at)samediggi.fi
www.ijahisidja.fi
www.sajos.fi/live