Jalvvi Niillas – Dædno, luođik
Luođik -jietnaduoji almmuhankonsearta.
Deatnu, Deatnu … Ii leat eará go dassalit fatnasa čáhcái, hálahit hálahit. Rávnnji stuhča áirruid vuostá, skoalkkas ja biegga – dat ráiget áiggi suoggama. Meahcci dávista, jahkečuođit ja sohkabuolvvat dávistit, geassásit seamma čáhcegáddái.
Do čierasta Guvvá Káre Horbmái, ja nu lea duottar báhcán. Čálkko Ánde joavdá ealuin Buolbmatjávrái. Ándde Ánná niegada gumppe, ja nu doamihit Niillas-Ánde, Mággá ja earát ealo lusa. Dá ges Jalvvi Jovnna muotku geavgŋá.
Guvvá Káre doapmala Kárášjohkii hálahit Iŋgga Per Ivvára máhccat vuolás. Guvvá Káre mannji Heandarat Elle faskešii ieš Konrad Nielsena, muhto ii bálle go joavdelasat nu gáđaštit.
Bávlosa Beahkká, Pekka Aikio, lea bádden jietnagova fatnasis Buolbmátjogas Searbbaid vuolde. Jalvvi Niillas Holmberg juoigá dološ sogalaččaidis.
Govva: Lada Suomenrinne
Buot artisttat