Jon Henrik Fjällgren Ijahis idja -festiválii

Ijahis idja -eamiálbmogiid musihkkafestivála lágiduvvo 14.8.2021. Festivála lea dán jagi ovttabeaivásaš.

Jon Henrik Fjällgren festivála nástin

Jon Henrik Fjällgren lea okta festivála váldoartisttain. Fjällgren šattai dovddusin go vuittii Ruoŧa Talang-gilvvu (eaŋ. Got Talent) jagis 2014. Dan maŋŋá son lea maiddái oassálastán golbmii Melodifestivalen-gilvui dahjege Ruoŧa Eurovision rátkingilvui. Doppe son lea boahtán nubbin, goalmmádin ja njealjádin. Fjällgren lea almmustahttán golbma cd-skearru. Varrasamos single-bihttá “Hold my head up high” almmustuvai njukčamánus 2021. Musihka olis Fjällgren lea vuoitán jagis 2018 Ruoŧa Let’s dance -gilvvu, mii vástida Suomas čájehuvvon “Tanssii tähtien kanssa” -gilvvu. Jon Henrik Fjällgren lea loaiddastan Ijahis idja -festiválas oktii ovdal jagis 2015.

Festivála ollašuhttinvuohki vel rabas

Festiválalágideaddjiid vuosttaš molssaeaktu lea lágidit álbmotdáhpáhusa Anáris 14.8. Seamma áigge plánejuvvojit molssaevttolaš ollašuhttinvuogit dego virtuálafestivála. Festivála dieđiha lágidanvuogis álgogeasis.

Ijahis ija lágidit ovttasbarggus Anára Sámisearvi ry, Sámediggi, Sámekulturguovddáš Sajos, Kafea Čaiju, Sámi oahpahusguovddáš, Sámemusea Siida ja Yle Sápmi.

Lassedieđut:
Buvttadeaddji
Oula Guttorm
oula.guttorm(at)samediggi.fi
+358 40 667 4545