Ravggon
Ravggon lij vuõccu-oulu ååraš oummui folk rock -bäʹndd, nõmm lij valddum rääidast njeʹʒʒi puõccust. Bäʹndd čõõđti ođđ Gapmu (lääʹddǩ. vaisto, aavistus) -albuum säʹmmlai meersažpeiʹvven 2024.
Ođđ albuumâst Ravggon musikk lij jååttam ääiʹjbu akuustlaž folk-pooppâst kõrrsab, loʹssjab da jo-ba ǩiččlõddi årra. Suõmmõõzz liâ vuäǯǯam inspiraatios suâlnas mooštain, põrggmõõžžin di põõlain, mii šâdd luõttu da miʹjjid, ǥu ij ni mii teänab riʹjtte. Ođđ albuum puuʹtʼteeʹjen tåimm Guhtur Niillas Rita Duomis.
Ravggon lij čõõđtam ääiʹjab, eeʹjjest 2016, Ráji ravddas -albuum da såittam pirr Sääʹmjânnam, Lääʹdd di ålggjânnmin. Eeʹjjest 2015 Ravggon ǩeâšttõõli Sámi Grand Prix -laaulǩeâšttõõttmõõžžâst Taarr beäʹlnn Koutokeinost da leäi kuälmten. Ijahis idjast piâzzak kuullâd Ravggon oođuum soiʹttjemneävvnorrõõzzin di seeʹttin!
Snimldõk: Lada Suomenrinne
Puk artiist