Tundra Electro
Tundra Electro vuâđđee eeʹǩǩen 2017 säʹmmlaž juõiggi da läullai Ingá-Máret Gaup-Juuso da taajâž musikkšeǩ da suõmmeei Patrick Shaw Iversen. Õhttsažtuâj suäna leʹjje alttääm kuuitâǥ juʹn eeʹǩǩen 2007 projeeʹktin, koon paarâst suäna ǩieʹrddje Indiast, Nepaalest da Bangladeešest.
Tundra Electrast paarr lij ooudâs viikkâm jiiʹjjesnallšem jiõnn,kååʹtt õhttâd äʹrbbvuâđla säʹmmla läullamnääʹll elektroonlõʹžže musiiʹǩǩe, improvisaatiomusiʹǩǩe da Indiaalla klaassla musiikk elemeeʹntid. Musiikk lij suõmmääm Iversen da laaul lij seäjjtõs tuâlʼja, pâʹjjel 100 eeʹǩǩed vuäʹmm juõiǥ de Gaup-Juuso ođđ juõiǥ da teeʹkst.
Patrick Shaw Iversen da Inga-Máret Gaup-Juuso lââʹssen Tundra Electron kõskkpoddsažnorrõõzzâst såitta viulisttvirtuoos Harpreet Bansal di perkussionistt Rune Arnesen.
Bansali vuõssmõs sooloceärnas leäi ǩeâštʼteʹmmen “Taarr Grammy”, Spelleman-ciist vuäǯǯjen da Arnesen peäʹlstes lij pâʹjjel 40-ekksaž karriääʹres poodd såittam pâʹjjel 470 albuumin.
Debyttceärnses, Eanan Gamáda – Earth Shaking, Tundra Electro čõõđti eeʹjjest 2020 da sij ođđsummuz albuum, Hálde áhkku – Mountain of Ancestors, čõõđteš kålggmannust 2023. Ijahis idja lij vuõssmõs festivaal, koʹst bääʹnd vuäitt kuullâd ođđ ceärnnaz čõõđtõõzz mâŋŋa.
Govva: Anna-Julia Granberg / Blunderbuss
Puk artiist